Cafodd ei sefydlu ym mis Ebrill 2020, a Grŵp Ymgynghorol Cyfranogiad y Cyhoedd a Chleifion (PPI) y Ganolfan ar gyfer Iechyd y Boblogaeth yw sylfaen ymagwedd y Ganolfan at wella a datblygu ymchwil briodol a pherthnasol.
Mae’r grŵp yn rhan o bob cam datblygu ymchwil. Mae cyfranogiad yn cynnwys helpu i ddylunio a datblygu ymchwil, ceisiadau am ariannu, ennill cymeradwyaeth foesegol, recriwtio cyfranogwyr a rhannu canfyddiadau – sicrhau bod canlyniadau ymchwil y Ganolfan yn fwy tebygol o fod o fudd i’r cyhoedd a chleifion a gwneud gwahaniaeth cadarnhaol i gofal iechyd a’r gymdeithas.
Mae’r grŵp yn cynnwys cadeirydd lleyg, aelodau lleyg, arweinydd PPI ar gyfer y Ganolfan, a Chyfarwyddwr a Rheolwr y Ganolfan. Mae aelodau eraill o’r Ganolfan, gan gynnwys aelodau gweithredol, yn mynychu pan fo angen. Mae’r grŵp yn cwrdd bob chwarter ac yn cadw mewn cysylltiad yn y cyfamser ar gyfer materion penodol.
Siaradodd Soo Vinnicombe, Arweinydd PPI Canolfan y Boblogaeth, â rhai o’r aelodau mewn cyfarfod diweddar i ganfod beth a’u hysgogodd i gymryd rhan yn PPI.
Cadeirydd – Sarah Peddle
Yn ogystal â phrofiad proffesiynol mewn gwasanaethau addysg mewn llywodraeth leol, mae gan Sarah lawer o brofiad PPI, gan gynnwys cyfrannu at geisiadau am ariannu, grwpiau rheoli treialon, amrywiaeth o Grwpiau PPI a hwyluso hyfforddiant. Roedd Sarah yn awyddus i ddod â’r profiadau hyn i rôl y Cadeirydd.
Pam oeddech chi am fod yn aelod PPI?
“Ymunais i â Chymuned Cyfranogiad y Cyhoedd ym mis Mai 2017 ac rwyf wedi bod yn rhan o ystod eang o gyfleoedd PPI ers ymuno. Rwyf bob amser wedi cael diddordeb mewn ymchwil iechyd a gofal ac wedi chwilio am y cyfleoedd hyn i gymryd rhagor o ran fel claf/aelod o’r cyhoedd. Fel mam i ddau blentyn oed cynradd, gyda chyflwr iechyd cronig sy’n effeithio ar fy mywyd dyddiol a chyda phrofiad proffesiynol ym maes gwasanaethau addysg llywodraeth leol, roeddwn yn awyddus i gymryd rhan gyda’r Ganolfan.”
.
Aelodau lleyg – Helen Davies
Ymchwil iechyd yw cefndir proffesiynol Helen, gyda thros 20 mlynedd o brofiad ymchwil yn gweithio mewn lleoliadau amrywiol, gan gynnwys gofal iechyd ac addysg. Roedd bod yn rhan o PPI yn rhan annatod o’i gwaith ymchwil.
Pam roeddech chi am fod yn aelod o PPI?
“Gan fy mod bellach wedi ymddeol, roeddwn yn awyddus iawn i drosglwyddo’r sgiliau a’r wybodaeth a ddysgais yn ystod fy mywyd gwaith fel ymchwilydd iechyd gan deimlo ei bod hi’n amser i ailffocysu fy sylw i gyfrannu at lais a barn cleifion a’r cyhoedd er mwyn cyfeirio gwaith ymchwil. Felly rwyf wedi gwneud cylch bywyd! O ymchwilydd sy’n cynnwys PPI yn ei gwaith ymchwil i ymgynghorydd PPI i helpu i lywio gwaith ymchwil!”
Dr Rachael Hunter
Mae gan Rachael gefndir yn y GIG, lle bu’n gweithio fel Seicolegydd Clinigol gyda’r GIG gan weithio gyda phlant a theuluoedd ac mewn lleoliadau iechyd. Bellach mae’n gweithio ym Mhrifysgol Abertawe fel Uwch-ddarlithydd mewn Seicoleg Glinigol ac mae’n Gyfarwyddwr y Rhaglen MSc Seicoleg Glinigol ac Iechyd Meddwl.
Pam roeddech am fod yn aelod o PPI?
“Rwyf bob amser yn awyddus i sicrhau bod sefydliadau’n cael eu gwthio i weithio’n agos gyda phobl sydd wedi byw profiadau y gallant dynnu arnynt. Mae hyn yn arbennig o bwysig ar gyfer gwaith ymchwil, oherwydd yn rhy aml, mae amcanion ymchwil yn cael eu pennu gan bobl sy’n bell o brofiad ac o ganlyniad, efallai bydd ganddynt syniadau gwahanol o’r hyn sy’n bwysig. Felly rwyf bob amser yn awyddus i geisio sicrhau bod ymchwil yn ystyrlon, yn werthfawr ac yn berthnasol i’r gymuned y mae’n ei gwasanaethu.
Os hoffech wybod mwy am y grŵp PPI neu ddod yn aelod ohono, e-bostiwch Soo Vinnicombe, Arweinydd PPI, yn s.vinnicombe@bangor.ac.uk
National Centre for Population Health and Wellbeing Research is funded by the Welsh Government through Health and Care Research Wales.